辭職係人生必經階段，但當你要離開一個做左都一段日子嘅地方，咁就要三思。要諗下公司除左攞左你寶貴嘅青春之外，仲為你增值左幾多？如果你對以下三點抱有懷疑嘅態度，咁就奉勸你唔好走住。
“你有幾多貨”?
職場除左係講是非嘅地方, 仲係一個袋錢入你袋嘅地方，學到嘅野多不勝數。要學識職場政治之外，臨遞信之前都要諗下究竟間公司俾左啲咩有value嘅野你，未有實際野攞到千祈唔好走住！
你嘅實戰經驗係你同你下一任老細角力嘅最佳武器。如果你喺舊公司學到依家最炙手可熱嘅Data Science技能，覺得自己已經預備好迎接類似嘅工種，恭喜你！換下工作環境都未嘗唔係一件壞事。
但係如果你每一日都重複做同樣嘅野，咁你就要三思！因為基本上你依幾年喺個人層面上係無增長過, 所以建議你大膽啲問你嘅現任老細，有無嘅新task俾你做，新野俾你學，咁你就可以臨走前攞啲紀念品走！
你嘅人生目標係咩，未來規劃係咩？
“見悶就辭＂係打工仔對事業最差嘅態度！如果真係要辭職，請你的起心肝問下自己嘅人生目標係咩。依個世界係無完全無夢想嘅人，只有未揾到或者未激發到。
無論你嘅目標係想賺大錢，組織個美滿家庭，定係有輝煌嘅事業，遞信前請先規劃一下你辭職後嘅大計。遊山玩水唔係唔得 ，但不坊喺空檔期為自己報下短期課程，例如學下R 或者Python，為叉好電嘅你作好準備！
你捱到經濟過渡期嗎？
要轉工其實都好睇你嘅經濟情況。空檔期間，應該將心靈同意念都自我掏空繼而思考，蓄整待發。如果要為財政憂慮，咁就會弄巧反拙。
當然，有saving 或者在屋企人暫時性嘅支持當然最好，但如果無都唔駛怯！
Freelance彈性工作其實係一個好好嘅機會，有工開有糧出之餘，仲可以令你嘅腦袋繼續轉，繼續有新ideas。
辭職前規劃好一切，走都走得安心啲!準備好轉工又要面試？繼續睇下面試屈機六大徵兆！
編輯精選：
