大部分見完工嘅可以分為兩類，一係覺得自己屈左機，一係覺得自己收左皮。可能個HR問左你幾條刁轉問題，你口啞左幾次，又或者係個interview嚴重超時，令你覺得自己應該無機，但係現實可能係正正相反。 面試有無屈機其實有跡可尋！
1.見完工介紹同事老細你識
“我想你見下我地嘅Supervisor!” 見左成粒鐘，仲有心介紹同事你識，又或者俾上頭過目，就證明佢好有興趣投資喺你身上，帶你去”見家長”，同是想睇下你同班同事get 唔get along到，絕對係good sign!
2. 嚴重超時
如果你個interview超時超過半個鐘，可能你以為人地刁難你，但係你估佢好得閒刁難你咩？其實人地係想了解你多啲，想知道除左你嘅履歷背景，你嘅性格適唔適合公司文化。如果唔啱嘅，一早開定門送你走啦，所以傾耐一陣係好事黎嘅！
3. 問你 “仲見左幾多份工?”
一個有本錢嘅Candidate 當然多人爭。試諗下，一個男仔如果問一個女仔有無男朋友，無非都係想追佢，係咪先？如果HR問你“仲見左幾多份工?”，其實佢嘅原意就係想知道成功搶到你嘅機率，因為你就係最完美嘅人選。
4. 緊張你離職原因
好多人都覺得 ”上一份工嘅辭職原因係咩？”依條standard問題其實個個HR都會問。但係有心請你嘅HR 就會格外緊張，因為佢地除左想請你之餘，仲已經plan緊點樣用公司文化，benefit, work-life balance等等黎吸引你!
5. 即刻話你知幾時會call你
如果個HR死都唔俾你走住，一定要話你知幾耐之後會有follow-up call 或者 second-in, 就證明佢好有興趣同你再進一步，留住你。當然一啲比較進取嘅candidates都可以主動啲問，咁兩方都知道大家都係有誠意！
6. 好奇你嘅事業目標
“你幻想自己五年後嘅事業去到邊？” 咁問你當然有原因啦。如果你有宏大嘅理想同埋野心，有興趣請你嘅公司就要衡量自己資源，睇下喺依方面可唔可以配合或者幫到你達成目標。咁問都證明公司睇到你嘅內在潛質，有心培養你。繼續睇下90% HR 都忽略了的求職體驗
編輯精選：
