好多企業招聘時都會好小心處理求職者既求職體驗，你又知唔知，你用緊既獵頭公司有冇做到呢一點呢？
獵頭公司 – 對人服務(People business) VS 銷售服務 (Sales business)
傳統獵頭公司都係以銷售行業既模式去運作，有睇過 「華爾街狼人」或 「尋找快樂的故事」既朋友都知，銷售行業既格言就係，你想做成一單交易，你首先要搵到五個人同你傾合約，而如果你產品吸引到人客興趣既比例有兩成，你就要同二十五個人介紹過呢件產品。
所以，你應該了解點解咁多求職者對一般既獵頭公司都有不太好既經歷。因為求職者唔係一件產品，千期唔好忽略嗰二十四個唔成功既求職者對你品牌既影響。求職者從獵頭公司口中聽到你公司名嗰一刻，佢對你公司既求職體驗已經開始。
傳統既獵頭公司都以銷售為主，只專注睇嗰一單既成交，而唔會著重嗰二十四位不成功既求職者，唔會更新佢地求職既進度，令求職者一係唔知發生咩事，有啲求職者甚至連佢報嗰間公司有冇睇過佢履歷表都唔知，而呢啲求職體驗都會影響到求職者對你公司既印象。
我的理念 – 對人服務 (People business)
好既獵頭公司，除左著重幫你搵到人之外，佢更重視每個求職者既求職體驗，有關理念會反映喺佢地業務模式上。例如佢除左重視搵到人(成交)，更著重成功率(減低令求職者失望既機會)。佢地亦會定時更新佢地既申請狀況，令到求職者對你公司印象提升，即使今次唔成功，佢將來都會再應徵同喺佢朋友群入面都會宣傳對你公司既良好印象，呢樣亦都係我地深信長遠與求職者建立信任既基礎。
伸延學習：Data scientist 入門秘技
