20180329 更新: 毛記散水，收市報3.48元，低見3.33元，非常接近林老師之前的估值–> “每股都值3.3蚊，市值至少10億” . 相信股價會在 $2.8 至$5 橫行一段時間，待炒家庒家知道大約半年業績後相信會有上調或下調的走勢，不過，因為主板最少都有六億市值，所以$2.2 應該很難下破。
20180328 更新: 毛記上市, 一開就 $11.76 , 有幸林老師在 $9.66 將手上所有毛記賣掉!
20180327 更新: 毛記招股，成史上新股暗盤升幅及賺錢王，輝立交易場毛記暗盤開市報3.5元，同林老師預期 ($3.3) 一樣，之後一直炒上，最後毛記暗盤最高見8.1元，收報8.07元，每手賬面勁賺1.38萬元，明天有望上破$10!
毛記葵涌搞上市擾攘咁耐，捲土從來終於通過老聯可以公開發售。2千幾蚊一手入場費，唔少毛記fans都訓身抽股，近排仲有唔少新聞教點借孖展倍大抽新股嘅額度。至尋日計埋孖展相當於超額認購2,900倍，相信好快就會衝破3000倍。
究竟毛記首日掛牌會值幾錢?
毛記初步有25%對外發售，即發行67,500,000股，當中10%即675萭股係公開發售。當毛記被超額認購3千倍，凍結資金即係675萬股x1.2招股價x3千倍，即係243億。超額咁多，根據老聯嘅玩法毛記要回撥股份公開發售。
主版上市公司嘅殼價保守估計值6至7億，保守計6億除公開招股的股份，完成招股每股都值2.2蚊，加上毛記本身嘅網媒生意，當一年2千萬profit乘15倍PE，都有3億，每股都值3.3蚊，市值至少10億。
其實呢條數買開股票嘅都識計，問題係掛牌後應唔應該追入?中長線應唔應該買就要睇公司嘅營運。不過今年大家都睇到毛記嘅生意開始走下坡，亦有唔少公司見到毛記margin咁高都話之後會壓價，毛記之後嘅發展會點呢?
老實講，如果毛記市值10億，如果只係賣殼嘅話(6億)，手持股份75%嘅founders每人都可以分到1.5億，身家翻幾倍，上市後founders可唔可繼續保持熱情呢?我地同樣做media嘅當然希望3個founders可以繼續保持嗰團火，再係media界創100毛奇蹟！
編輯精選: 什麼是ICO?
