Data scientist依一行真係幾似一個神秘又吸引嘅女人。除左知道人工幾高之外，別無所知；就算想知，都無從入手。
喺Glassdoor 一年一度嘅市場調查發現，Data scientist 就住工作滿足感，市場需要同埋年薪依三個因素，連續兩年成為 ＂最佳工作＂嘅第二位。與其葡萄人地，不如正正經經揾下窿路入行。踏出第一步永遠都係最難。出面有好多處理數據嘅軟件，例如有Python, R and Hadoop。但係初哥最好用 “Statistical Analysis System” (SAS)黎做踏腳石， 最適合一啲對progamming 零經驗但又有意入行嘅人。SAS 有咩咁巴閉？佢有效地將數據重整，加以整合分析，再尋找未來趨勢，以幫助公司增長。一句到尾，幫公司揾多啲。
大地在我腳下
數據分析師需求龐大，因為唔止大企業揾數據分析師，依家連中小企都食住個勢，同大公司爭人。根據PayScale 調查：中層嘅數據分析師月薪：大概45-50K，有SAS 技能: 人工增長17%。數據分析師人工增幅有眼睇，人工已經高出香港普遍人口嘅中位數。而且工作滿足感都好高，喺公司地位都舉足興重，受人尊重。越黎越吸引哩？想學SAS？其實依家坊間有好多地方都提供SAS班，例如SAS Institute, General Assembly 同埋 Venturenix Lab, 俾初哥熱下身！
Data scientist依一行，好似了解女仔咁，俾啲心機，又唔係真係咁難以捉摸嘅。趁仲有本錢為自己增值，未嘗唔係一件壞事。你都想入行做 Data Scientist? 即按此看看入職四大條件吧!
編輯精選：
