近年IT界鬧人才荒，好多管理層一係話難請人，一係話見工者質素參差，所以好多老細寧願由外地引入專才。而企喺IT人嘅角度，好多時候都做緊啲唔係自己專果瓣，又唔受公司重視，無晉升階梯。
兩方都有埋怨，咁究竟IT 界難請人嘅真正原因係咩？
1）IT人轉工，唔只係為左份人工
IT 人鐘意學野, 而且大部分IT人 都想根據已有知識，再磨練下個IT功底，知多啲最新技術。IT人轉工，往往係因為嚮往有事業上嘅突破，有新野落袋，而唔係單單因為人工高，就輕易過檔。所以， 公司肯投放資源俾員工持續進修，其實比人工高更吸引。
2 ) IT 技能太快過時
今時今日，IT技能過時嘅速度仲快過子彈。好多舊嘅IT技能一係被自動化淘汰，一係俾新興技能 (例如雲端，大數據) 取代。IT 界難請人，一方面人才短缺，另一方面人才錯配。
3) 傳統獵頭公司用錯方法吸納IT精英
一般嘅傳統獵頭公司都係以行業主導，例如做開Retail既獵頭公司，大部份都係服務番Retail 嘅客戶，好多candidate 都係留番喺Retail既IT 人，但IT 技術性員工 (Technical Staff) 好多時都係根據用開既軟件或硬件平台去做配對，唔一定跟行業。一個做開保險公司既Enterprise Architect 可能去到一間做電訊公司既做Senior Enterprise Architect， 會因為兩間公司嘅系統相似，更加發揮到所長。所以，傳統獵頭如果只用行業配對，好多時係徒勞無功。
4） IT 人普遍較被動
有質素既IT人才都常比較吃香，亦較少主動搵工，唔會Send CV 報Job ads，有啲好既IT 人甚至連LinkedIn Profile 唔唔會整，傳統HR 或獵頭公司用呢啲方法搵人才，通常都無功而回，或者搵到既都係一啲間間公司都搵佢地，閒閒地都五六個offer，呢個渠道搵到既人又點會易請呢? 你都覺得搵IT人好難？同我地傾下啦！
編輯精選：
如果你只想把Candidate sell出去，請你不要做獵頭！
只用半年，獵頭創業公司規模增長3倍！Growth Hack靠這4招！
什麼是Data Mining?Data Mining 為你挖出黃金
